Ekipi i GM Architecture po punon me përkushtim në projektin për Muzeun-Burgun e Idealit, duke krijuar një hapësirë muzeale në ish-burgun e Prishtinës (nën mbrojtje të trashëgimisë). Ekspozita ofron një përvojë ndjesore dhe emocionale përmes një narrative historike të bazuar në dëshmi autentike të ish-të burgosurve politikë. Projekti rikthen hapësirat e burgut në gjendjen autentike, duke u mbështetur në legjislacionin dhe kodet teknike për një zhvillim të rregullt, përfshirë Ligjin nr. 02/L-88 për trashëgiminë kulturore, udhëzimet administrative, si dhe standardet e ICOMOS dhe ICOM, duke siguruar qëndrueshmërinë e tij.
