Masterplani për rigjenerimin e zonës “Kodra e Trimave II”, me sipërfaqe prej 254 hektarësh, i hartuar nga GM Architecture, synon transformimin e kësaj zone nga një lagje e zhvilluar në mënyrë informale në një lagje urbane moderne, funksionale dhe të qëndrueshme.

Plani parashikon akomodimin e rreth 83,000 banorëve, përmes organizimit të zonës në 10 njësi urbane dhe zhvillimit të infrastrukturës, hapësirave publike dhe shërbimeve, me fokus në përmirësimin e cilësisë së jetesës, mobilitetit dhe mbrojtjes së mjedisit.