Projekti përfshin gjashtë fusha tenisi – katër të hapura dhe dy të mbuluara me sistem hapjeje. Njëra nga fushat e hapura është e pajisur me tribunë për mbi 700 spektatorë, duke ofruar kushte të përshtatshme për organizimin e ngjarjeve sportive me pjesëmarrje publike.

Formësimi arkitektonik është konceptuar në funksion të integrimit me mjedisin përreth, përmes një shtrirjeje horizontale që siguron qasje të lehtë dhe të natyrshme. Përdorimi i drurit si material konstruktiv, në harmoni me gjelbërimin e parkut të Taukbashqes, kontribuon në krijimin e një arkitekture funksionale, të qëndrueshme dhe miqësore me ambientin.