Projekti për renovimin e hapësirave të Galerisë së Arteve të Ministrisë së Kulturës në Prishtinë, e vendosur në katin përdhes të një ndërtese banimi shumëkatëshe në një zonë urbane të kryeqytetit, është hartuar për modernizimin e ambienteve të brendshme. Projekti është konceptuar për të ofruar kushte bashkëkohore arkitektonike dhe teknike për ekspozimin profesional të veprave të artit, përmes integrimit të ndriçimit zenital të përshtatur për funksionin ekspozues dhe simulimit të skenarëve të ndryshëm të ndriçimit në varësi të natyrës së ekspozitave.
Gjithashtu, janë modernizuar edhe hapësirat administrative në katin sipër, duke siguruar funksionalitet dhe kushte komode për punën e përditshme të stafit.