Prishtina View është një kompleks bashkëkohor multifunksional, i vendosur në zonën atraktive “Prishtina e Re – Zona Qendër”, me një sipërfaqe totale ndërtimi prej mbi 96,000 m². Projekti është konceptuar për t’u integruar në mënyrë harmonike me zhvillimin urban të qytetit, duke ofruar standarde të larta banimi dhe funksionaliteti.

Kompleksi përfshin:

• 522 njësi banimi me tipologji të ndryshme, të përshtatshme për nevoja të ndryshme familjare dhe individuale;
• 8,000 m² hapësira afariste, të destinuara për zyra, njësi tregtare dhe shërbime të ndryshme;
• 840 vendparkime nëntokësore, të shpërndara për përdorim banimi dhe komercial;
• 10,200 m² hapësira të gjelbra, që përfshijnë oborre të brendshme, zona rekreative dhe gjelbërim dekorativ.

Arkitektura dallon për stilin modern dhe të qëndrueshëm, me volumetri kubike, elemente masive vertikale e horizontale dhe dritare të mëdha për ndriçim natyral dhe komfort maksimal. Hapësirat ndërmjet objekteve janë të konceptuara për komunitetin, duke përfshirë kënde lojërash për fëmijë, shtigje për ecje dhe zona pushimi – të gjitha në funksion të një jete urbane cilësore dhe të sigurt.